Սերբիայի Բելգրադ քաղաքում երեկ սկսվել է  Բեյոնսի համաշխարհային շրջագայությունը, որը ստացել է The Mrs Carter Show World Tour անվանումը: Համերգների այս շարքը երկար սպասված է թե իր` աստղի համար, և թե նրա  երկրպագուների, իսկ շրջագայության նախապատրաստությունը շատ լուրջ էր: Բեյոնսի համար բեմազգեստերը ստեղծվել են հանրահայտ ապրանքանիշերի կողմից: Հաղորդվում էր, որ զգեստների մի մասի վրա աշխատել է Dsquared2 դուետը, իսկ հայտնի դիզայներ Սթյուարտ Վեյցմանը ստեղծել է տասնյակ զույգ կոշիկ:

Հիմա պարզվել է, որ  աստղը շրջագայությունը բացել է  եվրոպական Ralph & Russo ապրանքանիշի հագուստով: Վերջինիս ներկայացուցիչները հաղորդել են, որ ստեղծագործական տնօրեն Թամարա Ռալֆն անձամբ է աշխատել համազգեստի վրա, որը ստեղծվել է երգչուհու պատվերով: Բելգրադում նա բեմ է դուրս եկել սպիտակ արտահագուստով(կոմբինեզոն)` զարդարված մարգարիտներով և բյուրեղներով:

Բելգրադից Բեյոնսը կմեկնի Զագրեբ, Բրատիսլավա, Ամստերդամ և այլ քաղաքներ:  Շրջագայությունը կավարտվի սեպտեմբերին: