Chanel նորաձևության տունը թողարկել է Կարլ Լագերֆելդի կարճամետրաժ ֆիլմի թրեյլերը` նվիրված ապրանքանիշի լեգենդար հիմնադրին:  Կոկո Շանելի դերը ֆիլմում ստացել է Կիրա Նայթլին, և մենք արդեն կարող ենք կազմել առաջին տպավորությունն այն մասին, թե դերասանուհին ինչպիսի տեսք ունի նորաձևության պատմության մեջ  ամենսհայտնի կանանցից մեկի կերպարում:

Կիրայի հետ կադրում հայտնվում է ֆրանսիական դերասանուհի Կլոտիլդա Էսմեն, որը խաղացել է  գլխավոր հերոսուհու մորաքրոջ դերը, ինչպես նաև ամերիկյան թոփ-մոդել Լինդսի Վիքսոնը, որի ստացել է հրաշալի անծանոթուհու դերը:

Once Upon a Time («Մեկ անգամ...») անվանումով ֆիլմի գործողությունը տեղի է ունենում Ֆրանսիայի հյուսիսում գտնվող Դովիլ փոքրիկ քաղաքում, որտեղ Գաբրիել Շանելը բացել է իր առաջին խանութը:

Մինի-ֆիլմի շնորհանդեսը կկայանա մայիսի 8-ին, երբ դիզայները կներկայացնի 2014 թվականի Chanel ճանապարհորդական հավաքածուն: